Roza Lati dhe Erjola Doçi janë përfshirë në një debat ditën e sotme në BBV, duke e konsideruar njëra-tjetrën si të pamoralshme. Shkak është bërë një lojë e Vëllait të Madh, ku çdo banorë duhet të vendoste epitete krahas fotove të banorëve të vendosura në shtëpi.
Roza i ka vendosur fjalën “e pamoralshme” Erjolës duke e justifikuar veprimin e saj me faktin se nuk e njeh mjaftueshëm. Erjola nuk e ka marrë edhe aq me sportivitet lojën duke iu kthyer ashpër Rozës
Roza Lati: Për mua s’më duket askush i pamoralshëm këtu. Nuk e di kujt t’ia vë, por duke qenë se është prurje e re dhe nuk e njoh edhe aq po ia vë mikeshës tonë. Mos e merr për keq, por ty nuk të njoh, kështu që s’kam kujt t’ia vë tjetër.
Erjola Doçi: Dhe zgjodhe pikërisht të pamoralshëm, ashtu si je edhe vetë. Kështu ju të flisni, por s’ka gjë, të paktën e bëre në mënyrë të drejtpërdrejtë. Do ma njohësh moralin, por shpresoj të kesh moralin e duhur.
Në momentin kur i erdhi radha e lojës Erjolës, edhe kjo ka bërë të njëjtin veprim, duke vendosur epitetin “e pamoralshme” në foton e Rozës.
Erjola Doçi: Mos mi merrni personale përveç fjalës së parë, “e pamoralshme”. Dikush që më gjykon moralin tim, pa më njohur, është e pamoralshme.
Roza Lati: Por kur the mos i merr personale, tani pse e merr persona?
Erjola Doçi: Thjesht kam gjuhën e mprehtë.
