Një incident ka ndodhur këtë të mërkurë në ambientet e jashtme të Gjykatës së Posaçme, ku një person ka sulmuar me vezë kryetarin e Partisë Bashkimi për të Drejtat e Njeriut, Vangjel Dule.
Pavarësisht sulmit që me gjasë është orkestruar dhe ekzekutuar nga “Rilindasit“, Dule ruajti qetësinë dhe vijoi rrugën për të hyrë brenda godinës së gjykatës.
Nga pamjet, duket shenja e vezës në shpinën e politikanit, i cili ka denoncuar vazhdimisht atë që e cilëson “pengmarrje” të Fredi Belerit nga kryeministri Edi Rama.
Dule u paraqit në GJKKO për të ndjekur nga afër senacën që po mbahet sot për kërkesën e Fredi Belerit, për të rrëzuar vendimin për moslejimin e betimit të tij si kryebashkiak i Himarës.
