Alfio Rrotani është i eliminuari i parë me votat e publikut në edicionin e tretë të “Big Brother Vip”. Shefi i kuzhinës nuk arriti që të ishte dhe shefi i lojës së “BBV”, ku vetëm në ditët e fundit filloi të ishte aktiv me debate.
Për këtë javë, ai ishte në nominim dhe me Heidi Baçin, Meri Shehun, Gazmend Ujkashin dhe Gabriele Mezinin. Në fund, Alfio doli “kokë më kokë” me Gabrielen, duke lënë përfundimisht shtëpinë e “Big Brother Vip”.
Alfio nuk kishte fat as tek “bileta e fatit”, pasi i rezultoi vetëm “vajtje”.
Alfio Rrotani është i eliminuari i parë i këtij edicioni, teksa më herët ka lënë shtëpinë Drini Zeqo për një urgjencë familjare, si dhe është përjashtuar Klodian Duro për një deklaratë dhune.
