Një aksident është regjistruar këtë të shtunë në Rrugën e Arbrit, duke lënë pas një person të plagosur.
Aksidenti ndodhi kur një automjet është përplasur me mjetet e mirëmbajtjes së rrugës. Për pasojë, ka mbetur i plagosur shtetasi M.S., pasagjeri i mjetit të vogël.
Ai është dërguar me urgjencë në drejtim të Spitalit të Traumës në Tiranë dhe ndodhet jashtë rrezikut për jetën.
Njoftimi i Policisë:
Klos/informacion paraprak Në aksin rrugor të fshatit Fshat, shtetasi T.K., duke drejtuar automjetin e tij, ka humbur kontrollin mbi drejtimin e mjetit dhe mjeti ka dalë nga rruga. Si pasojë ka mbetur i lënduar shtetasi M.S., i cili është dërguar për ndihmë mjekësore në spital dhe ndodhet jashtë rrezikut për jetën.
Grupi hetimor po punon për zbardhjen e shkaqeve të aksidentit. Policia Rrugore apelon për të gjithë drejtuesit e mjeteve, që për shkak të kushteve të motit dhe akset me dëborë, të moderojnë shpejtësinë, të mos qarkullojnë pa goma dimërore dhe zinxhirë pasi bëhen burim aksidenti për veten e tyre dhe përdoruesit e tjerë të rrugës.
