Në minutën e 25-të, ishte Regi Lushkja, i cili me një gjuajtje të fortë nga jashtë zone, e ndali topin në rrjetë, duke i dhënë avantazhin skuadrës së Ahmatajt. Vlen të përmendet, se kryeqytetasit kishin edhe dy raste të tjera të pastra në fraskionin e parë të lojës me Haxhiun dhe Abazajn, por nuk ia dolën ta dërgojnë topin në rrjetë për herë të dytë.
Në pjesën e dytë, Abazaj nuk gaboi, teksa këtë herë me portën e boshatisur pas asistit të Haxhiut, ia doli ta dërgojë në rrjetë, duke shënuar të dytin. U duk një fitore e lehtë për Tiranën, por ndodhi e kundërta.
Në minutën e 58-të, trajneri Martini hedh në fushë debutuesin Matias Lloci dhe ishte pikërisht mesfushori që ndryshoi rrjedhën. Fillimisht 23-vjeçari shënoi në minutën e 80-të, ndërsa dy minuta më vonë, barazoi shifrat.
Në fund, Tirana e mbylli ndeshjen me 10 vetë pas daljes me karton të kuq të Albi Dokës, megjithatë shifrat nuk ndryshuan dhe 90 minutëshi u mbyll në barazimin spektakolar 2-2.
Me këtë barazim, Tirana mban vendin e tretë me 30 pikë, ndërsa Teuta mbetet në vendin e fundi me 17 pikë.
