Gazetarja e BIRN, Blerina Gjoka, ka komentuar mbrëmjen e sotme sondazhin më të fundit të Komisionit Evropian për cilësinë e jetës në disa qytete të BE-së dhe të Ballkanit Perëndimor.
E ftuar në emisionin “Të paekspozuarit”. bazuar në sondazhin e lartpërmendur, Gjoka shprehet se Tirana renditet në vendin e tretë nga fundi, duke qenë kryeqyteti më i keq për të jetuar.
“Komisioni Evropian ka bërë një sondazh në disa qytete të BE-së dhe Ballkanit Perëndimor. Janë pyetur njerëzit sa të kënaqur janë me cilësinë e jetës, Tirana ka dalë e treta nga fundi, në pyetjen sa i kënaqur jeni me cilësinë e jetës. Jemi shumë keq. Kriteret janë transporti, mjedisi, perceptimi për korrupsionin, spitalet, çmimet e apartamenteve, gjithçka që lidhet me jetën e përditshme”-tha gazetarja Gjoka.
