Gjykata e Tiranës ka liruar nga burgu Valter Bamin. Ndaj tij është vendosur masa e sigurisë “arrest shtëpie”, për shkak se ka tejkaluar afatin 6 mujor që nga momenti i arrestimit.
Ai u shoqërua në Polici si i dyshuar për atentatin e regjistruar ndaj banesës së Gentjan Bejtjas në Larushkë të Fushë Krujës, ku u plagosën djemtë e Gentian Bejtes 10 dhe 13 vjeç dhe u vra kunati Ramazan Sino
Më pas Valter Bami u arrestua për “armë mbajtje pa leje”, pasi policia gjeti mbetje baruti në dorën e majtë të tij, duke dyshuar se ai kishte qëlluar me armë zjarri. Por, në atë kohë Vetë Bami mohoi akuzën dhe deklaroi se gjurmët e barutit në duar i kishte nga qitjet me një armë sportive me leje. Gjithashtu, avokati i tij deklaroi se mbrëmjen e ngjarjes, klienti i tij ndodhej në banesë.
Valter Bami, nuk është një emër i panjohur për policinë, pasi njihet për një sërë rekordesh kriminale. Ai është vëllai i Durim Bamit, edhe ky një emër i njohur i botës së krimit.
