Policia e Tiranës ka arrestuar një 45-vjeçar, pasi përndiqte për një kohë shumë të gjatë një vajzë, duke i hapur asaj profile false në rrjete sociale, me përmbajtje denigruese, dhe duke i sjellë shqetësim asaj dhe familjarëve.
Në kuadër të operacionit policor të koduar “Threat 2 “, është vënë në pranga shtetasi Gentian Gega, banues në Tiranë.
“Nga verifikimet e kryera nga specialistët e Sektorit për Hetimin e Krimeve Kibernetike, ka rezultuar se ky shtetas, duke i hapur profile false, me përmbajtje denigruese, 23-vjeçares, në rrjetet sociale, e ka përndjekur atë online për një kohë të gjatë, duke i sjellë shqetësim asaj dhe familjarëve.” – thuhet në njoftimin e bluve të kryeqytetit.
Materialet procedurale për këtë rast i kaluan Prokurorisë, për veprime të mëtejshme.
