Çmimi “The Best” për vitin 2023 padyshim do të shoqërohet me polemika pasi fituesi i këtij trofeu që jepet nga FIFA ka shkuar përsëri në duart e Lionel Mesit.
Edhe pse viti 2023 nuk ishte i suksesshëm për argjentinasin, ai ka mundur në votim Erling Haland dhe Kilian Mbappe për këtë edicion.
Norvegjezi Haaland edhe pse ka dhënë një kontribut të çmuar për Cityn, duke ndihmuar skuadrën për të fituar kampionat, FA CUP dhe Champions, nuk doli dot mbi argjentinasin.
Sipas rezultateve të votimeve, Messi dhe Haaland ishin të dy në kuotën e 48 pikëve, por argjentinasi fitoi pasi kishte më shumë nominime në vendin e parë nga kapitenët e ekipeve kombëtare. Mbappe doli i treti me 35 pikë.
Kjo është hera e 8 ku Messi shpallet fitues i çmimit të lojtarit më të mirë nga FIFA pas e ka fituar më parë në vitet 2009, 2010, 2011, 2012, 2015, 2019 dhe 2022.
Portieri më i mirë u cilësua Ederson i Manchester City. Ashtu siç pritej, trajneri më i mirë u vlerësua Pep Guardiola. Tekniku i njohur “rrëmbeu” Premier League me Manchester Cityn, ndërsa vlen të theksohet se dërgoi për herë të parë “qytetarët” në majën e Europës, suksesi në Champions e ndihmoi shumë që të arrinte te ky çmim. Guardiola mori 28 pikë dhe mposhti konkurrencën e Spalletit dhe Inzaghit, me 18 dhe 11 pikë përkatësisht.
Në formacionin e vitit, Courtois në portë, përpara tij janë Walker, Stones dhe Dias. Mesfusha përbëhet nga Bernardo Silva, De Bruyne, Bellingham. Në ofensivë qëndron Messi, Haaland, Vinicius dhe Mbappe.
Çmimet:
Lojtari i vitit: Lionel Messi
Futbollistja e vitit: Aitana Bonmati
Çmimi Puskas: Guilherme Madruga
Portieri më i mirë : Ederson
Portierja më e mirë: Mary Earps
Trajneri më i mirë: Pep Guardiola
Formacioni i vitit:
