Teuta po kalon një sezon katastrofik teksa duhet të shkojmë shumë vite pas për të gjetur skuadrën durrsake në kushtet që ndodhet pas javës së 19-të të sezonit 2023-2024.
“Djemtë e Detit” numërojnë 11 ndeshje pa fitore në kampionatin shqiptar, duke u renditur dhe në vendin e fundit me vetëm 16 pikë të grumbulluara.
Takimi i radhës është kundër Tiranës, me bardheblutë që vijnë pas 2 fitoreve. Kryqytetasit kërkojnë të mbajnë formën e mirë në “Niko Dovana”, për të konsoliduar pozitat te katër më të mirët.
Vetëm 6 gola të shënuar gjatë këtyre 11 ndeshjeve dhe 14 të pësuar janë jashtë çdo pritshmërie për Teutën. Ndër këto ndeshje kanë marrë 5 barazime, duke grumbulluar 5 pikë. Më saktë, më pak se asnjë skuadër tjetër.
Mbetet për t’u parë çfarë mund të ndryshojë trajneri Martini nga java e 20. Dhe pse në vendin e 10, vetëm 6 pikë i ndajnë nga vendi i pestë.
Ndeshja Teuta-Tirana do të luhet të premten e 19 janarit në orën 17:00.
Klasifikimi:
