Dita e parë e banorëve në shtëpinë e “Big Brother Vip 3” u është dedikuar tensioneve dhe debateve. Konkurrenca po ndihet që sot dhe banorët duket se po mendojnë edhe strategjitë e tyre të lojës.
Natën e kaluar, Rike Roçi u favorizua nga “Vëllai i Madh”. Pas sfidës së orëve të tëra në të ftohtë jashtë shtëpisë, ku qëndroi sipër vinçit, Rikja mori si shpërblim biletat e fatit (disa kthimi dhe disa jo) që do t’ua shpërndante banorëve të tjerë. Por, nga 18 banorë, ajo do shpërndante vetëm 16 bileta duke përfshirë dhe të sajën dhe në këtë mënyrë ishte e detyruar që dy prej banorëve t’i linte pa biletë.
Rike Roçi i shpërndau biletat këtë pasdite dhe përjashtoi nga një mundësi kthimi në shtëpi, Meri Shehun dhe Ilnisa Agollin, duke u hakmarrë për konfilktet që ka patur me to.
Natën e kaluar Rike Roçi ka patur një debat me Ilnisën, ndërsa për Merin tha se ajo i ka thënë se “nuk je më VIP se mua”. Sipas Rikes, këtë gjë Meri ia ka thënë teksa janë hasur tek pallati ku banojnë të dyja bashkë, si dhe ia ka përsëritur edhe në shtëpinë e BBV.
Kjo gjë, ndezi edhe më shumë debatet mes Rike Roçit me Ilnisën dhe Merin, teksa kjo e fundit u përplas gjatë debatit edhe me Roza Latin dhe Ledjona Xheladinajn.
