Një 67-vjeçare nga Malësia e Madhe është nisur me urgjerncë drejt spitalit pasditen e kësaj të diele, pasi ka pësuar djegie të lehta në trup.
Mësohet se ajo ka qënë duke djegur disa mbeturina, kur zjarri ka marrë përmasa të mëdha dhe në përpjekje për ta shuar, ka pësuar djegie.
Policia bën me dije se 67-vjeçarja ndodhet jashtë rrezikut për jetën.
“Në fshatin Tamarë, shtetasja L. T, 67 vjeçe, ka pësuar djegie të lehta, dyshohet gjatë përpjekjes për të parandaluar përhapjen e flakëve të zjarrit që kishte ndezur në oborrin e banesës për djegien e disa mbeturinave. Si pasojë, shtetasja L. T, po merr ndihmë mjekësore në spital dhe ndodhet jashtë rrezikut për jetën. Grupi hetimor po punon për zbardhjen e rrethanave të ngjarjes”, sqaron policia.
