Janë zbardhur detajet të reja nga ngjarja e rëndë e regjistruar në Volos të Greqisë, ku 50-vjeçari Fatmir Tarellari vrau kunatin e tij, Erjon Pelivani, 33 vjeç, pasi rrëfimit të të bijës 18-vjeçare, nga martesa e parë, se ky i fundit e përdhunonte prej vitesh dhe i zhvaste para duke e kërcënuar se do t’i publikonte pamjet intime.
Mësohet se duke e konsideruar si njeri të familjes kunatin e tij (vëllain e gruas), babai nuk e kishte kuptuar se Erjon Pelivani ngacmonte dhe abuzonte seksualisht me vajzën.
“33-vjeçari Erjon Pelivani kishte akses të lirë në shtëpi. Përdhunimet kanë ndodhur brenda shtëpisë. Në momentin që po ndodhnin këto ngjarje, në shtëpi ndodhej edhe vëllai i vogël i vajzës, i cili në atë kohë ishte 4 vjeç. “Daja” kishte akses dhe nga prindërit, të cilët ishin në punë. Ai shkonte kur shihte ata që iknin nga shtëpia.”, tha Michalis Synodinos, avokati i Fatmir Tarellarit për SKAI-n.
Sipas asaj që dyshohet se i ka thënë vajza, “ajo ishte ngacmuar seksualisht që në moshën 9-vjeçare dhe përdhunimet kanë ndodhur nga mosha 12 deri në 14 vjeç. Në moshën 14-vjeçare, duke u rritur, fëmija ndoshta i tha se nëse vazhdonte do të zbulonte gjithçka dhe ai, kur i duheshin para, e shantazhonte përmes videove”, vijoi ai.
Avokati i babait 50-vjeçar tha se vajza u kishte treguar motrave të saj për ngacmime seksuale, por jo përdhunime dhe nuk kishte përmendur emrin e personit.
Michalis Synodinos, pasi shpjegoi se klienti i tij “ishte i trazuar emocionalisht”, përshkroi se çfarë i parapriu krimit. Siç tha ai, “babai është njoftuar në orët e mëngjesit të së hënës për të sqaruar se çfarë po bëhej me paratë e qirasë. Pas një bisede me vajzën e tij, ai u informua për përdhunimet dhe shantazhet, por vajza nuk e zbuloi idenitetin. Ata vijnë në zyrën time të hënën në mëngjes për të diskutuar se si të zgjidhnin këtë problem. Domethënë po bëheshim gati të bënim padi, duke pritur që vajza të na tregonte se kush ishte personi. Por se kush ishte personi, babai e mori vesh në orët e para të së martës pas presionit të vazhdueshëm ndaj vajzës së tij”.
Sipas avokatit të 50-vjeçarit, vajza kishte videot në të cilat 33-vjeçari e shantazhonte, por nuk ia tregonte babait të saj. “Ajo që i tregoi ishin mesazhet që vërtetonin atë që ai thoshte.”. Z. Synodinos e përfundoi përshkrimin e tij duke thënë se; “që nga mëngjesi i së martës kur ai babai e mori vesh deri të martën pasdite nuk kishim asnjë kontakt. Pas ngjarjes ai ishte në gjendje tragjike, më tregoi se çfarë kishte ndodhur dhe unë e këshillova që të informonte autoritetet dhe të dorëzohej”.
