Policia e Tiranës ka arrestuar tre adoleshentë të cilët akuzohen se u grabisnin me dhunë shuma të ndryshme parash qytetarëve në lagje të ndryshme të Tiranës.
Në kuadër të operacionit policor të koduar “January” janë vënë në pranga shtetasit E. Sh., 19 vjeç, si dhe dy të mitur të moshës 17 vjeç, të tre banues në kryeqytet.
“Nga veprimet hetimore të kryera ka rezultuar se këta shtetas, ditët e fundit, iu kanë vjedhur me dhunë, disa shtetasve, shuma të ndryshme parash. Nga hetimet e kryera ka rezultuar se 3 të arrestuarit janë autorë të dyshuar të 4 vjedhjeve të ndodhura ditët e fundit, në disa lagje të Tiranës. Gjatë kontrollit të banesës së njërit prej 17-vjeçarëve, shërbimet e Policisë, gjetën doza me lëndë narkotike kanabis, të cilat u sekuestruan cilësinë e provës materiale.” – thuhet në njoftimin e bluve të Tiranës.
Policia njofton se po punohet për dokumentimin e vjedhjeve të tjera që mund të jenë kryer nga këta shtetas. Materialet procedurale i kaluan Prokurorisë së Tiranës për veprime të mëtejshme.
