Xhuliano Skuka është lojtari më i ri i Partizanit. Sulmuesi rikthehet kështu në kryeqytet, ku do të veshë sërish fanelën e demave me të cilën arriti të shkëlqente në Superiore.
Menjëherë pas prezantimit nuk ka vonuar edhe reagimi i Skukës në rrjetet sociale. Lojtari që është në pronësi të Metz në Francë ka postuar një foto kur luante me Partizanin, ndërsa e ka shoqëruar me dy zemra të kuqe.
25-vjeçari u shpreh kështu “dashurinë” tifozëve të kuq, ndërsa shpreson që të jetë sërish protagonist me Partizanin dhe të fitojë sërish titullin kampion.
