Gjykata e Lartë në Amerikë ka vendosur të respektojë vendimin e marrë në Idaho për të mos lejuar abortin, madje edhe në rastet e urgjencave mjekësore.
Vendimi u mor mes debateve të forta dhe kundër vullnetit të administratës Biden që bazohet në Ligjin Federal për ta njohur si të drejtë jetësore abortin në rastet e ndikuara nga problemet shëndetësore të grave.
Në një deklaratë të premten, vetë presidenti amerikan kundërshtoi vendimin duke u shprehur se do të mbrojë të drejtën e grave për të marrë trajtim urgjent, kur është e nevojshme.
Më herët, administrata e Biden kishte paraqitur një padi për këtë çështje, pas të cilës gjykata e kishte bllokuar ligjin e Idahios në pikën e urgjencave spitalore.
Ata argumentojnë se spitalet që marrin fonde të Medicare u kërkohet nga ligji federal të ofrojnë kujdes urgjent, duke përfshirë automatikisht abortin, pa marrë parasysh nëse ekziston një ligj shtetëror që e ndalon.
Por Supremja i hapi rrugën zbatimit, duke lënë një hapësirë për paraqitjen e argumenteve kundër në muajin prill. Deri atëherë, konsiderohen të paligjshme në çdo rrethanë dhe shteti e dënon deri në pesë vjet burg për këdo që kryen ose ndihmon në një abort.
Urdhri i gjyqtarëve të premten e largon çështjen nga gjykata e Apelit dhe vendimi përfundimtar pritet në fillim të verës. Kjo një nga disa beteja ligjore që po kalojnë momentalisht nëpër gjykatat në Idaho, në lidhje me abortin.
