Pavarësisht paraqitjeve të mira të shfaqura në këtë pjesë të parë të sezonit, nuk mungojnë kritikat për Xavi Simons.
Sulmuesi i Leipzig është ndër lojtarët më të rëndësishëm në skuadër për sa i përket prodhimit sulmues, siç e dëshmojnë 6 golat dhe 9 asistet e grumbulluara në 25 paraqitje.
Për disa, megjithatë, kjo nuk e fshin qëndrimin e tij në fushë, ende i përcaktuar si “shumë prej cirku”.
Aad de Mos, ish-trajneri i Ajax-it, e mbështet me bindje këtë pozicion të diskutueshëm.
Ky i fundit kritikoi thellë mentalitetin në fushë të futbollistit holandez, duke e cilësuar atë si ende infantil dhe të parakohshëm për futbollin e nivelit të lartë.
Nga ana tjetër, statistikat thonë diçka tjetër.
“Mendoj se Simons është jashtëzakonisht i mbivlerësuar. Mënyra e tij e të luajturit është ende shumë për cirk për mendimin tim dhe jo vendimtare për ekipin.
“Për këtë arsye them që ai nuk do të luajë në europianin e ardhshëm, jo, nuk do të jetë”, tha ai për Voetbalzone.
Një pozicion që ka shkaktuar diskutime si në Holandë ashtu edhe në Gjermani, në kontrast total me paraqitjet e deritanishme të vetë Simons.
