Krimi brenda familjes i ka marrë jetën një tjetër gruaje shqiptare. Ngjarja e rëndë ka ndodhur mbrëmjen e së dielës kur ishin edhe Pashkët Katolike në Gjermani, ku një grua 41-vjeçare është vrarë me armë zjarri nga bashkëshorti i saj 48-vjeçar.
Lajmi bëhet i ditur nga mediat gjermane, sipas të cilave viktima është një shqiptare me origjinë kosovare, ndërsa autori është shtetas gjerman me origjinë serbe
Sipas hetuesve, krimi makabër ka ndodhur në prani të vajzës 17-vjeçare të çiftit, e cila po ashtu ka mbetur e lënduar lehtë.
Një zëdhënës i policisë tha se ishte vet 48-vjeçari që njoftoi autoritetet pasi qëlloi për vdekje bashkëshorten, teksa nuk ka bërë rezistencë gjatë momentit të arrestimit.
Deri më tani janë ende të paqarta arsyet që çuan në këtë krim të rëndë brenda familjes.
