Ka ndeshje që nuk harrohen kurrë, as në të mirë e as në të keq.
Dy ish-futbollistët Andres D’Alessandro dhe Adriano dinë diçka për të, pasi u gjendën ballë për ballë 19 vjet pas një finaleje të famshme të Copa America në 2004.
Rasti ishte ai i një ndeshjeje bamirësie, All-Star Game, ku mes protagonistëve ishin edhe argjentinasi dhe brazilianin.
I pari nuk humbi mundësinë për t’i kujtuar kundërshtarit me numrin 9-të, dikur i Interit, Romas, Fiorentinas dhe Parmas, atë ndeshje të paharruar Argjentinë-Brazil, ku brazilianët fituan me penallti.
Ish-lojtari i River Plate, Wolfsburg, Zaragoza dhe San Lorenzo, sapo pa Perandorin pas mbërritjes në fushë, ua tregoi atë disa bashkatdhetarëve dhe shokëve të skuadrës si ish-lojtari i Juves dhe Lazios, Sorin.
Më pas, duke u kthyer nga personi në fjalë, ai tha: “Çfarë Copa America na ka marrë. Bir k..ve”. Natyrisht me shaka.
Adriano reagoi me buzëqeshje dhe e kuptoi menjëherë se për çfarë fliste kundërshtari dhe armiku i tij i vjetër. D’Alessandro më pas këmbënguli: “A të kujtohet? Golin që shënove, mik? Në sekondën e fundit”. Dhe më pas Sorin: “Hej! Në sekondën e fundit, e mban mend?”.
Është e pamundur të harrohet ajo pasdite makthi në Lima, kur Argjentina mendonte se tashmë kishte në dorë Kupën. Ferr për ekipin Albicelste, një gëzim i papërmbajtshëm dhe i paharrueshëm për Seleçao kundër rivalëve të tyre të të gjitha kohërave.
Adriano realizoi golin e barazimit 2-2 në minutën e fundit dhe dërgoi ndeshjen me penallti, me D’Alessandron që gaboi nga pika e bardhë dhe Brazili fitoi trofeun.
Fatkeqësisht për D’Alessandro-n dhe argjentinasit, edhe mbrëmja speciale në stadiumin emblematik Maracanà përfundoi keq për ta. Skuadra e Adrianos fitoi me rezultat 10 me 4.
Isso aqui é bom demais
Kkkkkkkkkkkkkkkkkkk
pic.twitter.com/8FwdBeycQO— Carter (@essediafoilouco) December 28, 2023
