Mesfushori i njohur i Skënderbeut, Bledi Shkëmbi nuk po gjen hapërisa në formacion dhe kjo për shkak të moshës së tij.
Shkëmbi kapiteni dhe lojtari kryesor i ekipit korçar në 5 vitete fundit është krahasuar nga trajneri Mirel Josa me kapitenin e Romës, Francesco Totti.
Josa e ka bërë një vlerësim të tillë për kontributin e çmuar që ka Shkëmbi tek Skënderbeu.
“I dimë të gjithë vlerat e Bledit, por në të njëjtën situatë është edhe Roma me Tottin. Shkëmbi luan si mesfushor qendre, është lojtar që rrallëherë i vijnë futbollit shqiptar. Por, duhet më shumë markim në aksionet e kundërshtarit. Për momentin këtë gjë na i ka dhënë Lilaj dhe Orelesi, ose Eskuerdinja”, ka thënë Josa për “TVSH”.
“Më Lilajn jam i kënaqur pasi e ka rritur nivelin e lojës, ndërsa nga Orelesi pres edhe më shumë, por duke luajtur edhe ai do ta ngrejë nivelin. Ndërsa si cilësi dhe bukuri loje kemi humbur pak, por më pëlqen më shumë forca dhe kompaktësia e skuadrës”, shtoi ai.
