Janë zbardhur detaje të reja nga ngjarja e rëndë e regjistruar mbrëmjen e djeshme në Lezhë, në rrugën “Luigj Gurakuqi” në afërsi të xhamisë së qytetit, ku 21-vjeçari Xhovani Përlesi goditi disa herë me kaçavidë në trup 18-vjeçarin Rafaelo Lleshi.
Burime bëjnë me dije se adoleshenti ka marrë tre goditje me kaçavidë në gjoks dhe dy në qafë nga Xhovani Përlesi, i cili u arrestua më vonë nga policia nën akuzë e vrasjes së mbetur në tentativë.
Rafaelo Lleshi mbeti i plagosur në gjendje të rëndë ku u dërgua me urgjencë në spitalin e Traumës në Tiranëm, ku iu nënshtrua një ndërhyrje kirurgjikale në mushkëri. Burime nga Trauma bëjnë me dije se aktualisht 18-vjeçari është në gjendje të qëndrueshme, por nuk konsiderohet akoma jashtë rrezikut për jetën.
Dyshohet se Rafaelo Lleshi i kishte ngacmuar motrën Xhovani Përlesit dhe kjo ka qenë shkaku, pse ai është konfliktuar me adoleshentin duke e goditur disa herë me kaçavidë.
