Detaje të reja kanë dalë në dritë nga zjarri që ra pasditen e kësaj të hëne në një qendër tregtare në Lushnje. Dy 18-vjeçarë që ishin të bllokuar në katin e shtatë janë shpëtuar nga autoritetet.
Ata janë në gjendje të stabilizuar, por me probleme në frymëmarrje për shkak të kohës së gjatë që kanë kaluar në tym.
“Në fakt dy 18-vjeçarët ka disa minuta që janë nxjerrë nga kati ku ishin izoluar, nga kati i shtatë.
Madje dy kullat tashmë po kontrollohen. Janë në gjendje të mirë, të stabilizuar, por me probleme në frymëmarrje për shkak të kohës së gjatë të qëndrimit në tym. Atje ku ata kanë qenë prej disa orësh”.
