Lëndimi i fundit i Liverpoolit erdhi si rezultat i një përplasje së lojtarit dhe trajnerit Jurgen Klopp jashtë vijave të fushës.
Liverpooli barazoi me rezultat 1-1 ndaj Arsenalit në “Anfield”, me Mohamed Salah që shënoi për “Të Kuqtë” dhe Gabriel Magalhaes për “Topçinjtë”.
Por, Liverpooli u detyrua që të bëj një zëvendësim pak kohë pas golit të barazimit.
Në një duel mes Saka dhe Kostas Tsimikas, ky i fundit përfundoi duke u përplasur me Klopp i cili po qëndronte te vija.
Ky ishte një lajm i keq për mbrojtësin grek, për shkak se si pasojë e kësaj ndërhyrjeje, ai pësoi një lëndim në krahë, gjë që bëri që ai të zëvendësohej nga Joe Gomez.
https://twitter.com/i/status/1738621888400678925
Tifozët menjëherë filluan me shaka në rrjetet sociale pas këtij rasti, ku kishte komente të tilla si: “Si ka mundësi që Klopp nuk mori një karton të verdhë, pas asaj ndërhyrje në Tsimikas”.
