Policia e Fierit ka reaguar në lidhje me aksidentin e rëndë automobolistik të regjistruar mbrëmjen e kësaj të shtune në aksin rrugor “Levan-Tepelenë”.
Autoritetet policore raportojnë se automjeti tip “Nisan” me drejtues shtetasin R. Sh., është përplasur “kokë më kokë” me automjetin tip “Honday” me drejtues shtetasin S. C. Ngjarja ka ndodhur rreth orës 19:50 në afërsi të vendit të quajtur “24 orarëshi” në Poçem.
Si pasojë e aksidentit bëhet me dije se kanë mbetur të plagosur dy drejtuesit e mjeteve, 3 pasagjerët në mjetin “Nisan” (18 vjeç, 12 vjeç dhe 10 vjeç) si edhe 2 pasagjerë në automjetin tip “Honday” (9 vjeç dhe 2 vjeç). Të plagosurit ndodhen në spital, në kujdesin e mjekëve, jashtë rrezikut për jetën.
Burime bëjnë me dije se në gjendje më të rëndë është fëmija 2-vjeçar, i cili pas mbërritjes në spital, është futur në sallë të operacionit.
Grupi hetimor po punon për përcaktimin e shkakut të aksidentit.
