12 ushtarë turq janë vrarë gjatë dy ditëve të fundit në përleshjet me militantët e Partisë Punëtore të Kurdistanit (PKK) në Irakun verior, njoftoi të shtunën ministria e mbrojtjes.
Ushtria turke ndërmori sulme ajrore ndaj objektivave të PKK-së, duke “neutralizuar” të paktën 13 militantë të shtunën gjatë luftimeve të vazhdueshme, njoftoi ministria në platformën sociale X.
Pençe-Kilit Harekâtı bölgesinde 23 Aralık 2023 tarihinde bir üs bölgemize sızmaya çalışan teröristlerle çıkan çatışmada altı kahraman silah arkadaşımız şehit olmuş, bir kahraman silah arkadaşımız da yaralanmıştır.
Çatışmada ilk belirlemelere göre 13 terörist etkisiz hale… pic.twitter.com/gl4h1vaK6i
— T.C. Millî Savunma Bakanlığı (@tcsavunma) December 23, 2023
Turqia zakonisht përdor termin “neutralizim” për të nënkuptuar të vrarët. Ministria tha gjithashtu se shtatë militantë ishin vrarë të premten.
PKK-ja, e cilësuar si grup terrorist nga Turqia, Shtetet e Bashkuara dhe Bashkimi Evropian, filloi një kryengritje të armatosur kundër shtetit turk në vitin 1984.
Turqia vazhdimisht ndërmerr sulme ajrore në Irakun fqinj si pjesë e ofensivës së saj kundër militantëve të Partisë Punëtore të Kurdistanit (PKK) me bazë atje.
