Moti i keq me reshje dëbore, që pushtoi vendin mbrëmjen e së enjtes ka bllokuar rrugët në qarkun Shkodër. Raportohet se në Qafë-Thorë në lartësi mbi 1200 metra reshjet e borës kanë qenë të shumta, ndërkohë borëpastrueset po mbajnë të hapur aksin Bogë-Theth. Lëvizja drejt këtyre pikave turistike sugjerohet të bëhet vetëm me goma dimërore dhe zinxhirë.
Sakaq sa i takon ditës së sotme, parashikohet që nga orët e pasdites dhe në vijim të ketë shtim të vranësirave dhe momente me reshje shiu në të gjithë territorin e vendit por orët e vona të natës sjellin përmirësim të kushteve atmosferike duke larguar gradualisht reshjet nga i gjithë territori Shqiptar.
