Barcelona vuajti jo pak përballë Almerias së vendit të fundit, por në fund fitoi 3-2, duke rigjetur tri pikët në La Liga pas dy ndeshjeve pa fitore me Gironën dhe Valencian.
Trajneri Xavi u shfaq i zemëruar në prononcimin e tij, ku ndër të tjera tha:
“Pjesa e parë ishte e papranueshme. Ose vrapojmë si kafshë ose nuk arrijmë dot te topi. Ne nuk jemi Barcelona e 2010-s, por vitin e kaluar ishim agresivë. Duhet të zgjohemi. Nëse loja mungon, ne duhet të vendosim shpirtin tonë në fushë.
Skuadrës sime i mungoi shpirti i duhur, lojtarët po e ndjejnë shumë presionin. Duhet të jem më kërkues ndaj tyre, por edhe duhet t’i mbroj”.
