Kryedemokrati Sali Berisha është futur live në Facebook nga Kuvendi dhe e cilësoi krim të vërtetë vendimin e Kuvendit për heqjen e imunitetit dhe arrestimin e tij.
Berisha deklaron se sot, pas një vendimi antikushtetues të gjykatës kushtetuese, votojnë për heqjen e imunitetit dhe arrestimit të kryetarit të PD duke menduar se në këtë mënyrë do i mbyllin gojën opozitës.
Kryedemokrati shton se pushtimi i parlamenetit nga garda tregon për një opozitë të fortë që i ka futur frikën regjimit.
“Deputetët e opozitës i kanë kallur tmerrin mazhorancës, prej shumë javësh parlamenti ka më shumë gardistë se deputetë, ka kaluar në ankushtetutshmëri.
Parlamenti de fakto ka kaluar në ilegjitimitet dhe antikushtetues. Pas një vendimi antikushtetues të Gjykatës Kushtetuese, të vendimit antikushtetuese të komisionit Rama-Brava votoi për heqjen e imunitetit tim dhe arrestimin e kryetarit të Partisë Demokratike duke besuar se në këtë mënyrë do të mposhtin opozitën.
Ky krim nuk mund të mposhtë kurrë opozitën dhe dëshmon se në Shqipëri ka një opozitë të fuqishme që qëndron e palëkundur kundër kësaj bande në pushtet që ka vendosur diktaturën e saj. Përpjekja që bënë më 9 shtator kjo bandë me bandën ndërkombëtare të Xhorxh Soros, dështoi në mënyrë spektakolare. Kjo përpjekje do të dështojë me turp.” tha Berisha.
