Profesori i kriminologjisë, Ervin Karamuço, duke analizuar profilin e vrasësit Sokol Mjaçaj në Top Story, thotë se ai ka probleme që nga fëmijëria që arriti të vrasë dy turistët çekë në 2015-tën.
Sipas Karamuços, Mjaçaj luan rolin e ushtarit dhe korrierit të grupeve brenda në burg, ndërsa gazetarja Dorjana Bezat ngriti pyetjen se kush ia pagoi 300 euro për futjen e celularit brenda, pasi familjen e ka në kushte të mjerueshme.
Karamuço: Ai ka çrregullime, dhe kur vret qesh. Ka probleme të forta që nga fëmijëria. Cekët i grabiti kur hyri në makinë, mbante kallashnikov Ky është imcak, i drejton kallashnikovin çekut, mirëpo si duket shtie direkt. Nuk donte ta vriste ka thënë, dhe vrau aksidentalisht dhe gruan e tij, Sociopatët nuk bashkëpunojnë kurrë, ai fsheh të vërteta.
Dorjana Bezat: Familja është në kushtet e mbijetesës, të fusësh një celular në burg… atij i janë kapur dy celularë në Fushë Krujë dhe Peqin, Kush ja paguan 300 euro atij për futjen e celularit. Me kë do flasë ai në celular…
Karamuço: Është ushtari dhe korrieri i grupeve brenda. Ky e di që do jetojë gjatë në burg, merr garanci që do e sigurojnë këta nga jashtë.
Më 15 dhjetor, Sokol Mjaçaj ekzekutoi me armë zjarri me pistoletë me mulli brenda burgut të Peqinit Arben Lleshin. Autoritetet kanë dyshime se kemi të bëjmë me një vrasje me pagesë.
