Një 24-vjeçare shqiptare ka humbur jetën tragjikishit ditën e sotme në Itali, pasi ka rënë aksidentalisht nga një lartësi e madhe, në banesën ku ajo jetonte.
Viktima është shtetasja Ambra Seferi, teksa ngjarja e rëndë është regjistruar në Barcellona Pozzo di Gotto në Siçili. 24-vjeçarja është rrëzuar aksidentalisht nga dritarja e çatisë duke humbur jetën.
Sipas mediave përtej Adriatikut, nëna e re 24 vjeçarja kishte lënë të hapur derën e shtëpisë ndërsa do ngjitej në tarracë, por më pas dera u mbyll. E shqetësuar se fëmija i saj 18 muajsh dhe vajza tjetër e mitur e një mikeshës së saj kishin mbetur vetëm në shtëpi, mendoi të ngjitej në apartament nga dritarja e çatisë nga jashtë, por ka humbur ekuilibrin dhe ka rënë në tokë.
Pavarësisht se u transportua me urgjencë në spitalin Milazzo dhe iu nënshtrua ndërhyrjeve reanimatore, 24-vjeçarja ndërroi jetë. Ndërkohë, autoritetet italiane vijojnë hetimet për ngjarjen.
