Tirana do të luajë ndaj Vllaznisë me një tjetër modul. Duke parë që pjesën e parë të sfidës me Laçin gjërat shkuan mirë, Julian Ahmataj ka vendosur të luajë me tre mbrojtës. Me skuadrën do të jetë i pranishëm këtë herë edhe Florjan Përgjoni që shleu katër kartonët.
Abdullahu në portë e më pas me Lulajn, Najdovskin dhe Hoxhallarin. Në mesfushë, Doka e Përgjoni nga krahët si dhe treshja Meta, Deliu e Lushkja. Surpriza në sulm me Abazajn dhe Latifin. Shkurt, një 3-5-2, me Kainën dhe Jonuzin në stol, si ish-ë.
Nga ana tjetër, Klevi Qefalija ka mbyllur riaftësimin dhe është bashkuar me skuadrën në stërvitje. Patrik ka nisur vrapin e lehtë.
Florent Hasani e ka mbyllur me Tiranën, pasi ditën e djeshme u konfirmua transferimi dhe nga Rapidi i Bukureshtit.
Bardheblutë kanë pësuar shumë gola në 16 javë kampionat. Plot 23 rrjeta të pësuara. Nga ana tjetër, çmenduria më e madhe është te fakti që bardheblutë sezonin e shkuar kanë pësuar në 36 javë vetëm 33 gola, ndërsa në më pak se gjysmën e ndeshjeve të këtij sezoni kanë pësuar 23 gola. Një shifër alarmante.
Në gjashtë sezonet e fundit, ky i sivjetshmi është më problematiku në 16 javë. Tri ndeshjet e fundit mes Tiranës dhe Vllaznisë janë mbyllur me rezultatin 1-0. Një sfidë e ka fituar ekipi shkodran dhe dy të tjera skuadra bardheblu.
FORMACIONI I MUNDSHEM I TIRANES: 3-5-2: Abdullahu, Lulaj, Najdovski, Hoxhallari, Doka, Meta, Deliu, Lushkja, Përgjoni, Latifi, Abazaj
