Një e moshuar ka humbur jetën mesditën e kësaj të premte në fshatin Gjegjan. E moshuara rreth 70-vjeç teksa ishte duke kalur në urën mbi lumin Fan ka rrëshqitur aksidentalisht dhe është mbytur në lumë.
“Rreth orës 14:30, teksa kalonte në urën mbi lumin Fan, për të shkuar në banesën e saj, në fshatin Gjegjan, dyshohet se ka rrëshqitur aksidentalisht dhe ka rënë në lum, shtetasja 70 vjeçe, e cila si pasojë ka humbur jetën.
Trupi i 70-vjeçares është nxjerrë nga ujërat e lumit dhe është transportuar në IML, për ekzaminim”,- njofton Policia.
Ndërkaq, grupi hetimor po punon për dokumentimin e rrethanave të këtij rastit.
