Superiorja ka kaluar 16 javë dhe Teuta ndodhet në vendin e fundit. Dhe pse rezultatet kanë munguar, në dy takimet e fundit janë marrë barazime me Egnatian dhe Partizanin, që mbajnë 2 vendet e para.
Te Teuta ka spikatur Arsid Kruja, që bie në sy te kampionati shqiptar si lojtari me më shumë minuta në këmbë. Çdo ndeshje si titullar dhe të luajtura nga fillimi në fund. Asnjë nuk ka bërë njësoj si mbrojtësi shkodran, përveç 2 portierëve Alia dhe Dajsinani.
Arsid Kruja u largua nga Vllaznia në verë kur klubi shkodran bëri shumë ndryshime. Destinacioni i tij i ri u bë Durrësi, ku Teuta duket se e ka pritur krahëhapur.
