Nga Boldnews.al
Ata pensionistë të kryeqytetit që iu gëzuan 5 mijë lekëshit të shpërblimit të fundvitit, tashmë kanë të drejtë të mërziten, pasi gjysmë gjeli i detit që ua dhuroi “zemërgjeri Rama”, do u “vidhet” nga Lali Eri, madje do u marrë edhe ca para shtesë… Bëhet fjalë për rritjen e taksës së përkohëshme të infrastrukturës arsimore. Edhe pse u quajt “taksa e përkohëshme e infrastrukturës arsimore”, që nga viti 2016, ajo po kthehet në taksë të përhershme, madje, tashmë e rritur me 25 % më shumë.
Bashkia Tiranë, në projektbuxhetin e vitit të ardhshëm parashikon që të mbledhë 926.5 milionë lekë në 2024 nga kjo taksë dhe 971.8 milionë lekë në 2025, nga 747 milionë lekë që është pritshmëria e 2023-it. Fatkeqësia është se edhe pse vilet taksa arsimore, infrastruktura për ngritjen e shkollave të reja apo edhe rikonstruksionet nuk vijnë nga “taksa drejtëpërdrejtë”, por nga fondet e tërmetit dhe mbështetje financiare nga qeverisja qëndrore.
Vetë taksa e konsideruar si e përkohëshme është shkelje e hapur kushtetuese pasi është një tarifë ekstra e cila vilet dy herë në forma të ndryshme. Fillimisht nga taksat lokale që përbën buxhetin total të bashkisë dhe më pas nsi një tarifë e veçantë e shpikur nga vetë Veliaj, i cili ndonëse tha se do ishte e përkohëshme tashmë ajo po cilësohet jo vetëm e përhershme, por edhe e rritur. Nga Bashkia Tiranë nuk ka një shpjegim se përse është parashikuar që nga kjo taksë të vilet më shumë se parashikimi, por dukshëm kjo lidhet me rritjen që do të bëhet në fillim të vitit të ardhshëm.
Në mënyrë indirektë taksa do të rriten mbi 25 %, madje në vitin 2025 do të shkojë në 30 %. Bashkia është përgjegjëse për infrastrukturën arsimore në territorin e administruar prej saj dhe ndonëse ka një taksë specifike, fondet e grumbulluara nuk kanë shkuar për përmirësimin e ifrastrukturës. Disa shkolla të reja të bëra në Tiranë kanë pasur si financim direkt fondet e përcaktuara për pasojat e tërmetit, që në pjesën më të madhe kanë qenë donacione.
Paradoksalisht “taksa ekstra” e Lali Erit nën motivacionin e infrastrukturës arsimore ka shkuar për tallavanë e propagandës, që lidhet me të ashtëquajtuarat aktivitete kulturore në kryeqytet, që në thelbin e saj është makiazh për të mbuluar problematikat e vërteta. Të vjelësh taksën për arsim dhe tu thuash prindërve të çerdheve dhe kopshteve se duhet të paguajnë për ngrohëse, materiale didaktike etj, është më shumë se tallje. Tashmë është fakt I kryer: “gjeli u vodh, edhe pse tani e deri në fund të vitit do e shohim shpesh në Baldushk, aty ku do të krekoset më shumë se gjelat e vërtetë.
