Ka nisur protesta e qytetarëve kundër taksës së vendosur nga qeveria e Edi Ramës që nis nga 5 euro për të kaluar në Rrugën e Kombit. Qindra e qindra banorë janë mbledhur në qendër të qytetit të Kukësit në mënyrë të organizuar për t’u nisur drejt tunelit të Kalimashit.
Por policia duket se ka vendosur që të bëjë pritë në rrugën e Kombit protestuesve. Aktualisht ka tension mes protestuesve dhe policisë.
Protesta organizohet kundër taksës së vendosur për rrugën. Protesta është thirrur nga këshilli bashkiak dhe është mbështetur nga shoqëria civile dhe të gjitha bizneset, të cilat kanë mbyllur qepenat e tyre. Po kështu me qindra shtetas kosovarë janë nisur nga Kosova për t’iu bashkuar protestës.
TAKSA E “RRUGËS SË KOMBIT”
Klasa 1/ Motorët – 2.5 Euro
Klasa 2/ Veturat – 5 Euro
Klasa 3/ Autobus & kamionçina – 11.2 Euro
Klasa 4/ Kamion i mesëm – 16.2 Euro
Klasa 5/ Kamion i rëndë – 22.5 Euro
Ministria e Infrastrukturës dhe Transporteve thotë se të ardhurat do të shërbejnë për mirëmbajtjen e këtij aksi.
http://
