Kreu i Partisë Demokratike, Sali Berisha ka folur për mediat pas mbledhjes me deputetët e opozitës dhe kreun e grupit parlamentar Gazment Bardhin.
Ndërsa mazhoranca miratoi e vetme ndryshimin e Rregullores së Parlamentit, ish-kryeministri Sali Berisha tha pas mbledhjes së grupit parlamentar të Partisë Demokratike se ky ishte hapi i parafundit për asgjësimin e opozitës.
“Ndryshim sipas të cilit, një grup deputetësh i lejojnë vetes, ndërprerjen e përkohshme të mandatit të deputetëve. Përjashtimin për dy muaj dhe defakto heqjen e mandatit, dmth ndalimin e çdo lloj veprimtarie të deputetit. Kjo është faza parapërfundimtare drejt asgjësimit të opozitës në parlament dhe u garantoj se kjo do të shoqërohet me të gjithë përpjekjen e opozitës për rivendosjen e parlamentarizmit, pluralizmit politik në parlament. Vendosmëria është e plotë e palëkundur. Kjo është ajo që mund të ju them sot”, tha Berisha.
Gjithashtu lideri demokrat deklaroi se do të respektojë vendimin e Kuvendit të cilët pas kërkesës së SPAK do të mbledhë Këshillin e Mandateve për të diskutuar imunitetin dhe për të vendosur “fatin” e Sali Berishës.
“Jam i sigurt që Kryesia do të më dërgojë mua relacionin. Baza e këtij qëndrimi është propozimi im në vitin 2012. Vitin 2012 personalisht jam angazhuar në një nisëm për aprovimin e nenit të kushtetutës i cili i jep imunitet ndaj veprimeve të gjyqësorit për deputetët. Nuk kam ndryshuar ndonjëherë mendim se ajo ka qenë e drejtë. Vendimi i parlamentit do respektohet nga unë. Kushtetueshmëria kërkon që parlamenti të ndryshojë ligjin kushtetutën. Por sidoqoftë cilido që të jetë vendimi do ta pranoj. Asnjë ndryshim të mosbindjes civile nuk do të ketë. Ne do vazhdojmë. Grupi është plotësisht kundër. Nuk do votojë. Jam i sigurt që kryesia e parlamentit do më dorëzojë relacionin. Qëndrimi im është ky.”, tha Berisha.”, tha Berisha.
