Qindra udhëtarë mbetën në pritje me orë të tëra, pasi Wizz Air anuloi fluturimin në momentet e fundit.
Fluturimi W43847 i programuar për t’u nisur nga Tirana në Bolonja në orën 19:55 u shty fillimisht për një orë.
Por më pas, pasagjerët u njoftuan për një shtyrje tjetër, kësaj radhe 9 orë më vonë.
Nisja është planifikuar për nesër në mëngjes në orën 06:10, ndërsa qindra pasagjerë, mes të cilëve edhe fëmijë nuk dinë se ku të drejtohen.
Sipas faqes zyrtare të aeroportit të Rinasit, e njëjta kompani – e njohur tashmë për problematika të kësaj natyre – ka shtyrë me disa orën nga 06:10 në 13:05 një tjetër fluturim me destinacion Romën.
Ndërkohë, javën e kaluar një rast i ngjashëm ka ndodhur edhe me kompaninë tjetër lowcost që operon në Rinas – Ryanair, që pasi mbajti në pritje për orë të stërzgjatura pasagjerët, anuloi një fluturim drejt kryeqytetit italian.
