Egnatia ka barazuar përballë Teutës në ndeshjen e vlefshme për javën e 16-të të Superiores.
Sfida e zhvilluar në stadiumin “Niko Dovana”, përfundoi me rezultatin 2-2. Heroi i kësaj ndeshje për rrogozhinasit ishte Emiljano Musta, i cili shënoi golin e barazimit në minutën e 96’.
Pas kësaj sfide është pikërisht mbrojtësi i majtë që foli për mikrofonat e MCN TV.
“Kam shënuar gola në 86’ apo 87’ por ky goli i sotëm ishte në frymën e fundit. Menduam që të shkonim të gjithë përpara. Të hidhej topi në zonë dhe do diltë diçka. Është e vërtetë që këtë sezon kam pasur probleme pasi e kam nisur me dëmtim, por tashmë ndihem 100% gati. Konkurrenca është e madhe me Ndrecën dhe Memollën, por dhe në kampionat konkurrenca është e madhe”, u shpreh Musta.
-Goli i sotëm apo gol ndaj Partizanit më 20 dhjetor?
“Patjetër gol ndaj Partizanit, pasi është një trofe në lojë për një ekip si Egnatia. Shpresoj që të jap asistim.”
