Një avion luftarak i prodhimit amerikan F-15 u rrëzua sot gjatë një stërvitje në pjesën lindore të Arabisë Saudite, duke vrarë dy anëtarët e ekuipazhit, sipas një deklarate nga Ministria e Mbrojtjes në Riad.
“F-15SA u rrëzua gjatë kryerjes së një misioni rutinë stërvitor në bazën ajrore të Dhahranit”, tha zëdhënësi i Ministrisë së Mbrojtjes ,Turki al-Maliki, në një deklaratë të transmetuar nga Agjencia Saudite e Shtypit.
Pesë muaj më parë, një avion luftarak i të njëjtit lloj u rrëzua pranë një baze në kufirin me Jemenin, duke vrarë të dy pilotët.
Autoritet vendase deklaruan se kanë nisur hetimin e shkaqeve të ngjarjes.
