Gjatë diskutimeve për nismën e Partisë Demokratike për ligjin e Dekriminalzimit në Komisionin e Ligjeve, deputeti i kësaj partie Oert Bylykbashi u shpreh se, kryeministri Edi Rama “ka 200 milionë euro në offshore”.
Ndërsa nga ana tjetër, ish¬Kryeministri Pandeli Majko, ka komentuar publikimin e dokumenteve sekrete nga “Panama Papers”, ku përfshihet dhe një biznesmen nga Shqipëria.
Majko tha se uronte që Shqipëria të dilte e pastër nga ky skandal. “Uroj që ky skandali i Panamasë të mos nxjerrë ndonjë emër tjetër dhe ju të opozitës të na sillni ndonjë amendament tjetër në ligjin e Dekriminalizimit”, tha deputeti i PS¬-së.
Deri tani në skandalin e dokumenteve të publikuara figurojnë të paktën dy kompani shqiptare, të lidhura me Ismail Mulletin. Sipas hartës së vendeve që kanë pasur lidhje me kompaninë ligjore panameze, “Mossack Fonseca”, Shqipëria figuron edhe me tre përfitues dhe 22 aksionerë.
