Çdo femër do të dëshironte të zbulonte nëse partneri i saj e dashuron me të vërtetë, sepse duke zbuluar shenjat e pagabueshme të ndjenjave të tij mund të na ndihmojë për të marrë vendime të drejta mbi të ardhmen e marrëdhënies.
Këtu janë 7 shenja të pagabueshme të dashurisë së vërtetë:
1. Ju trajton gjithmonë me respekt. Nëse respekti i tij nuk është Koherent, marrëdhënia juaj nuk mund të lulëzojë. Në dashuri, ju nuk mund të zgjidhni kohën dhe vendin për të qenë i sjellshëm, i kujdesshëm dhe i respektueshëm. S’mund të jesh një ditë i vrazhdë e ditën tjetër i respektueshëm: Partneri juaj ose ju respekton (dhe ju do) ose nuk ju respekton (dhe nuk ju do). Shumë e thjeshtë!
2. Veprimet e tij përputhen me fjalët e tij. Ne të gjithë e dimë se një gjest është me vlerë se një mijë fjalë. Për të zbuluar nëse ai me të vërtetë të do, ju duhet vetëm të vëzhgoni sjelljen e tij. Ai flet me dashuri, kujdes dhe respekt, por ju injoron plotësisht kur i thoni atij se çfarë dëshironi të bëni atë ditë? Veprat janë dëshmia më e mirë e dashurisë së tij.
3. Jeni të barabartë. Kur dikush me të vërtetë të do, opinionin tënd i jep vlerë të barabartë sa të vetit. Nëse ai merr vendime individuale të rëndësishme pa ty atëherë këtu ka diçka që nuk shkon.
4. Mund të besoni tek ai. A mund ta thoni sinqerisht: “Unë i besoj 100% atij “? Besimi juaj tek ai është i qartë dhe pa hezitim? Themeli i fortë i një lidhje është në fakt vetëm besimi i plotë tek njëri-tjetri. Nëse ju nuk i besoni, atëherë duhet të rishikoni marrëdhënien afatgjatë me të.
5. Ai thotë “Të Dua”. Kur ju doni dikë është e natyrshme të thoni shpesh dhe pa stres “Të Dua”. Gjithkush ka nevojë ta dëgjojë herë pas here e nëse mendoni “Nuk kam nevojë ta degjoj sepse ne duhemi” e keni gabim. Nëse ai nuk thotë “Të dua”, alarmi është gati të bjerë.
6. Ai nuk mund ta imagjinojë jetën pa ty. Mundohuni ta pyesni: “Zemër, a mund ta imagjinosh jetën pa mua”? Nëse përgjigja nuk është e thellë dhe nuk përmbledh në një farë mënyre dashuri dhe përkushtim ndaj jush, atëherë diçka sërish nuk shkon.
7. Është gjithmonë aty për ty. Një mashkull që të do vërtet do të jetë gjithmonë aty për ty, në kohë të mira dhe të këqija, në ulje-ngritjet e jetës. Dashuria nuk ka kushte. Ajo është gjithmonë aty, për ju, është diçka që më bën të ndjehem shumë mirë.
Burimi: DireDonna
