Massimiliano Allegri ka folur në konferencën e sotme për shtyp para ndeshjes që do të luajne nesër ndaj Milanit, në kuadër të javës së 30-të të kampionatit.
Tekniku i bardhezinjëve komentoi edhe gjendjen e lojtarëve që ka në dispozicion për këtë takim, ku theksoi se Chiellini do të luajë. Ndër të tjera ai iu përgjigj pyetjeve të gazetarëve edhe për gjendjen fizike të Bernardeschit.
“Chiellini është mirë dhe do të luajë, Cuardrado do të jetë në dispozicion në pankinë. Do të luajnë edhe Gigi Buffon me Lichtseiner”. Bernardeschi? Javën që vjen kthehet në grup dhe do të stërvitet me skuadrën. Lojtari nuk do të operohet. Alex Sandro ka një shqetësim të vogël, të shohim nëse do të jetë gati për nesër. Javën që vjen të gjithë do të jenë në grup, kam nevojë për të gjithë”,- ka thënë tekniku i “Zonjës së Vjetër”.
Ndër të tjera ai foli edhe për mesfushorin brazilian, Douglas Costa.
“Kur ai është përpara duhet të jetë më shumë i bindur për të shënuar gol, sepse ka pak njerëz që kanë cilësitë e tij në aspektin e teknikës, shpejtësinë për të asistuar. Howedes do të jetë në dispozicion, ai është një lojtar me vlerë botërore dhe kur të ketë nevojë unë do ta aktivizoj. Higuain? Kur humb 6-1 natyrisht që nuk je i lumtur. Megjithatë ai e ka kaluar tashmë atë ndjesi. Mandzukic? Është mirë.”
Juventus do të përballet mbrëmjen e nesërme në orën 20:45 në “Allianz Stadium” ndaj Milanit të Gattusos, i cili gjithashtu kërkon rezultat pozitiv në transfertë.
Në ndeshjen e fundit para ndeshjeve ndërkombëtare, kuqezinjtë fituan ndaj Chievos me rezultatin 3-2 ndërsa Juve u ndal në barazim pa gola ndaj Spal. Rezultat që nuk shpëtoi pa u ironizuar nga fansat në rrjetet sociale.
