Berat Gjimshiti është detyruar të lërë sot fushën e lojës në ndeshjen e Serisë A mes Torinos dhe Atalantës pas vetëm pak minutash lojë.
Kapiteni i Kombëtares shqiptare, i kthyer në një nga elementët më të rëndësishëm të Atalantës, ka ndjerë shqetësime muskulore vetëm 15 minuta pasi filloi ndeshja e sotme që mbyllte javën e 14 në Serinë A dhe ku ekipi i tij tenton t’i afrohet përsëri zonës Champions.
Futbollisti ka bërë shenjë për zëvendësim dhe është larguar nga fusha, duke i lënë vendin Baker.
Mediat italiane raportojnë për probleme muskulore, por detajet më të hollësishme do të jepen pas sfidës nga stafi mjekësor i klubit.
