Familjarët e Liridona Murselit kanë hapur dyert e mortit në fshatin Rracaj të Gjakovës. 30-vjeçarja e cila vra më 29 nëntor në Prishtinë me urdhër të bashkëshortit të saj u rivarros në vendlindje. Ajo u zhvarros nga varrezat e fshatit Cërmjan të Gjakovës, me kërkesë të familjes.
Qindra qytetarë tashmë kanë shkuar për të ngushëlluar familjen Ademaj.
Një grup fëmijësh ishin të veshur me bluza të bardha të stampuara para me foton e Liridonës dhe mbrapa me shkrimin “Drejtësi për Liridonën”, ndërsa mbanin në duar trëndafila të bardhë.
Pjesë e ceremonisë së varrimit të Liridona Ademajt është bërë edhe Ministri i Punëve të Brendshme, Xhelal Sveçla.
