Trajneri i kombëtares shqiptare, Sylvinho, u prit me entuziazëm jashtë godinës në Hamburg, aty ku u mbajt shorti i Euro 2024.
Nga pamjet e përcjella nga gazetari, Blendi Fevziu, në rrjetet sociale, shihen shumë të rinj të cilët presin me brohorima trajnerin e kuqezinjve.
Tashmë i njohur për popullaritetin e tij me tifozët, Sylvinho u ndal dhe i dha autograf njërit prej tyre, në bluzën që i riu mbante veshur.
Në këmbim mori nga tifozi mori vlerësime si: “I love you man, you are the best!” (Të dua, je më i miri).
Të shumtë ishin shqiptarët që ndodheshin jashtë godinës ku hidhej shorti i Euro 2024 këtë të shtunë teksa Shqipëria u vu përballë Spanjës, Italisë dhe Kroacisë.
