Një atentat ka ndodhur mbrëmjen e kësaj të shtune në Lezhë, ndaj Entjan Nikulajt, djali i xhaxhait të Ardian Nikulajt (biznesmenit që u vra në prill të këtij viti).
Mësohet se Entjani është qëlluar me breshëri kallashnikovi nga autorë ende të paidentifikuar, të cilët i kishin bërë pritë, në dalje të qytetit të Lezhës, pranë ujësjellësit.
Nikulaj, i cili u qëllua teksa ishte brenda në makinën e tij tip fuoristradë ML, ka humbur jetën në spital.
Deri më tani raportohet se autorët janë larguar në drejtim të Kurbinit, me një makinë tip BMW, e cila rezulton me targa të vjedhura. Ndërkohë policia ka ngritur postblloqe në rrugët përreth.
