Franca ka ofruar ndërmjetësimin në konfliktin në veri të Sirisë.
Në muajin janar ushtria turke nisi aty një sulm ushtarak kundër luftëtarëve kurdë.
Ankaraja kërkon që të dëbojë milicinë kurde, të cilën e shikon si një zgjatim të Partisë së Punëtorëve të Kurdistanit (PKK).
Presidenti francez, Emmanuel Macron u takua me anëtarë të Forcave Demokratike Siriane (që kanë shumicë kurde) dhe tha se ka shpresë për një dialog mes Turqisë dhe milicisë. Presidenti tha se Franca mbështet stabilizimin e zonës së sigurisë në veri-lindje të Sirisë, për të ndaluar që ISIS-i të rifitojë fuqinë.
Forcat Demokratike Siriane janë një aleat kyç i SHBA-së në luftën kundër ISIS-it. Franca dhe SHBA-ja i kanë dhënë kësaj milicie armë dhe gjithashtu i kanë trajnuar.
