Tirana dhe Partizani do të luajnë Derbin numër 172 më 3 dhjetor. Ndeshja e vlefshme për javën e 15-të të Kategorisë Superiore do të nisë nga ora 19:00 në stadiumin “Air Albania”.
Një derbi që nuk luhet vetëm për 3 pikët, por brenda kësaj ndeshje janë kryeqyteti, historia dhe prestigji.
Një sfidë jo vetëm brenda fushës së blertë, por edhe në shkallët e stadiumit. Dy tifogrupet më në zë në Shqipëri janë gati të përballen në “distancë” nga njëra portë në tjetrën me koret e tyre që i personalizojnë. Tirana me “Fanatics” nga pas dhe Partizani që udhëheq “Guerrilsat”, derbi i së dielës pritet të jetë një nga më të ‘ndezurit’.
Përsa i përket statistikave të përgjithshme, në 171 Derbit e zhvilluar më parë, “Demat” kanë fituar 71, ndërsa bardheblutë kanë triumfuar 47 herë. Në 53 raste, derbi është ndarë në paqe.
Golavarazhi – 231 gola ka shënuar skuadra e kuqe, përkundrejt 185 të bardhebluve. Golat e fundit në derbi u realizuan nga Mensah dhe Maget, që e zhvlerësuan barazimin momental të Hasanit.
Ndërsa në 10 sfidat e fundit, është Tirana ajo që ka regjistruar më shumë fitore. 4 herë kanë trifumuar bardheblutë, ndërsa 3 herë Partizani, teksa 3 ndeshjet e tjera janë mbyllur në barazim.
Por Tirana gjithashtu ka që më 2 tetor të vitit 2022 që nuk ka fituar një derbi, dhe të dielën në “Air Albania” kërkon që të marrë një triumf pas më shumë se 1 viti.
Në krahun tjetër Partizani kërkon fitoren që të rimarrë vendin e parë në klasifikim dhe të udhëheqë e vetme në krye.
35 ndeshjet e fundit mes dy skuadrave kanë përfunduar me këto rezultate: 12/10/13 Partizani-Tirana 1-0; 07/02/14 Tirana-Partizani 1-0; 22/03/14 Partizani-Tirana 1-1; 26/09/14 Tirana-Partizani 0-0; 08/12/14 Partizani-Tirana 2-0; 13/03/15 Tirana-Partizani 1-2; 04/05/15 Partizani-Tirana 2-2; 03/10/15 Partizani- Tirana 1-0; 07/12/15 Tirana-Partizani 0-0; 04/03/16 Partizani- Tirana 2-0; 04/05/16 Tirana-Partizani 2-2; 25/09/16 Partizani-Tirana 0-0; 01-02/12/17 Tirana-Partizani 0-0; 20/02/17 Partizani-Tirana 2-1; 28/04/17 Tirana-Partizani 1-2; 28/09/18 Tirana-Partizani 0-1; 30/11/2018 Partizani-Tirana 2-1; 01/03/19 Tirana-Partizani 0-0; 12/05/19 Partizani-Tirana 2-1; 29/09/19 Tirana-Partizani 1-2; 13/12/19 Partizani-Tirana 1-2; 28/02/20 Tirana-Partizani 5-1; 10/07/20 Partizani-Tirana 1-1; 4/12/2020 Tirana-Partizani 0-0); 21/01/2021 Partizani-Tirana 1-0; 13/03/21 Tirana-Partizani 1-2; 13.05/21 Partizani-Tirana 0-0; 25/10/21 Tirana-Partizani 1-1; 23/12/21 Partizani-Tirana 1-2; 05/03/2022 Tirana-Partizani 0-0; 07/05/2022 Partizani-Tirana 1-2; 02/10/2022 Partizani-Tirana 0-2; 21/12/2022 Tirana-Partizani 0-1; 06/03/2023 Partizani-Tirana 2-0; 17/05/2023 Tirana- Partizani 1-1; 19/10/2023 Partizani-Tirana 2-1.
