Pavarësisht mbërritjes së Andre Onanas në “Old Trafford” gjatë merkatos së verës, drejtuesit e Manchester United do të tentojnë në atë të dimrit të transferojnë një tjetër portier pasi paraqitjet e kameruanasit vijojnë të lënë për të dëshiruar.
Një ndër kandidatët për të cilin po përflitet është Ivan Provedeel i Lacios, portier që ka spikatur në këtë fazë të parë të sezonit.
Edhe pse skuadra e Erik Ten Hag ka arritur rezultate pozitive, ishi i Interit ka mbetur paksa në prapavijë dhe gabimet tek një ekip si 20 herë kampionët e Premier Leagues kushtojnë shtrenjtë.
Prej kohësh po tentohet gjetja e një elementi që do të japë siguri poshtë tre shtyllave dhe ndoshta ishi i Chievo Veronas mund të rezultojë i duhuri për të ardhmen.
Manchester United ende nuk po e rikuperon dot terrenin e humbur prej vitesh, ekip i cili për më tepër ka vënë në diskutim kualifikimin në grupet e Champions Leagues në sezonin aktual.
