Egnatia arriti të triumfonte me rezultatin e pastër, 0-2, transfertën e Laçit, në përballjen e vlefshme për javën e 14-të të Kategorisë Superiore.
Dy gola në pjesën e dytë përkatësisht me anë të Edison Ndrecës dhe Isgandarlit, mjaftuan për djemtë e Edlir Tetovës, të cilët sigurojnë kështu një fitore me shumë vlera, për titullin kampion.
Pas ndeshjes trajneri i Laçit, Mirel Josa analizoi humbjen 0-2 të skuadrës së tij.
“Humbja? Duhet të ishim më të saktë për të krijuar raste më shumë. Ky ishte problemi ynë sot.
Mangësi në sulm? Ne u munduam të shpreheshim kur fitonim topin dhe në sektorët e krahut. Duhet të ishim të saktë, por linim bosh shumë hapësira dhe e pamë shumë mirë se kundërshtari nxirrte mbrojtësit sipër. Me pësimin e golit bëmë përpjekjet tonë dhe kishim 2-3 raste. Duhet të ishim më të saktë dhe të freskët në 30 m e fundit.
Ndërhyrje në merkato? Çdo skuadër ka nevojë për lojtarë që kanë eksperiencë dhe t’i japin siguri ekipit. Nëse kemi mundësi për të sjellë lojtarë të tjerë duhet të shikojmë cilësinë e tyre.
Golat nga shtylla e dytë? Ne kishim probleme në këtë shtyllë. Kishim probleme me Ndrecën, pasi nuk driblohej mirë krahu” – Tha ai.
